Di nivîsek fermî de ku îro yekşem (2026/11/8) ji parêzgarê Hewlêrê re hatiye şandin, parêzgarê Nînewayê, Ebdulqadir Ehmed Dexîl, hemderdî û hevsôziya xwe ya tevahî û ya rêveberiya xwe ji bo mexdûrên lehiyê li Hewlêrê derbirî û amadehiya şandina hemû tîmên xwe yên alîkariyê ragihand.
Xalên herî girîng ên nivîsa parêzgarê Nînewayê:
🔹 Parêzgarê Nînewayê li hember zirarên maddî û mirovan ên ku ji ber pêla lehiyê ketine ser welatiyan, hevsôziya xwe ya tevahî bi gelê parêzgeha Hewlêrê re derbirî.
🔹 Nînewa amadehiya xwe ya tevahî nîşan daye ku bi hemû kapasîteya tîmên parastina sivîl û hemû dezgehên xizmetguzarî û tenduristiyê, li kêleka rêveberiya herêmî ya Hewlêrê bisekine da ku li hember encamên vê karesatê raweste, wê derbas bike û jiyanê vegerîne rewşa asayî.
🔹 Di nivîsê de hate tekez kirin: "Ya ku rû bi parêzgeha Hewlêrê tê, dê bandorê li ser hemûyan bike; çarenûsa me yek e û welat yek e. Hevkariya û piştgiriya di navbera parêzgehên me de erkek neteweyî û exlaqî ye û yekrêziya gelê me nîşan dide."
