Îro, duşem, Umêd Xoşnaw, parêzgarê Hewlêrê, ji bo nirxandina encamên êrîşa şeva borî li ser qada gazê ya Kormorê li ser rewşa elektrîka neteweyî û kêmkirina barê li ser welatiyan, bi aliyên têkildar re civiyan û tabloya nû ya xebatê ji bo jeneratên taybet ragihand.
Di civînê de, ku bi amadebûna rêveberê giştî yê elektrîkê ya Hewlêrê û serokê Encumena Jeneratên Taybet hat lidarxistin, biryar hat dayîn ku hemû xwediyên jeneratên hundirê sînorên bajarê Hewlêrê heta normalbûna rewşa elektrîka neteweyî bi tabloya nû ya xebatê ve girêdayî bin.
Tabloya nû ya xebata jeneratên taybet li Hewlêrê:
🔹 Sibehan: ji saet 7:00ê sibehê heta saet 9:00ê sibehê.
🔹 Ji nîvro heta derengiya şevê: ji saet 1:00ê piştî nîvro heta saet 1:00ê şevê.
Di biryarê de hat tekez kirin ku di dema qutbûna elektrîka neteweyî de, di van her du demên diyarkirî de jenerat rasterast bixebitin; di heman demê de, xebitandin li derveyî vê tabloya diyarkirî bi tu awayî ji bo xwediyên jeneratan nayê hesibandin.
