Malpera nûçeyan a Amerîkî ya "Axios" ji çend çavkaniyên agahdar eşkere kir ku Pete Hegseth, wezîrê şerê Amerîkayê, di nav serdaneke nehat ragihandin û nepenî de bo Îsraîlê, bi Benjamin Netanyahu, serokwezîrê wê welatê, re civiya.
Li gorî agahiyên malperê, civîn li baregeha ezmanî ya "Ovda" li başûrê Îsraîlê pêk hatiye; li wir balafirên şer û balafirên sotemenîpêdeker ên hêzên Amerîkayê bicihkirî ne. Ev serdana hesas tenê heşt roj beriya hilbijartinên giştî yên Îsraîlê tê û hevdem e bi gotûbêj û hevrêziya tund a di navbera Washington û Tel Avîv de derbarê îhtîmala destpêkirina nû ya operasyoneke leşkerî ya berfireh li dijî Îranê.
Her wiha hatiye nîşandan ku wezîrê şerê Amerîkayê di dema serdana xwe de bi leşkerên welatê xwe re li herêma fermandariya navendî ya Amerîkayê (CENTCOM) re rû bi rû bûye. Ev gav piştî wê tê ku Donald Trump, serokê Amerîkayê, bi fermî piştevaniya xwe ji serkeftina Netanyahu re di hilbijartinên dahatû de dubare kir; ev jî bi eşkere nîşan dide ku hevrêziya ewlehî û leşkerî ya di navbera herdu hevalbendên rasteqîn de di vê qonaxa hesas de xurtir bûye.
