Wezareta Karên Derve ya Almanyayê Mejid Nîlî Ehmedabadi, balyozê Komara Îslamî ya Îranê, ji ber protestoyê li dijî plankirina êrîşê li ser kesayetiyên navdar ên civaka Cihû û çalakvanên têkildar vexwend.
Berlînê îro duşem 19ê oktoberê di peyamekê eşkere de li ser tora civakî ya Îksê tekez kir ku hikûmeta Almanyayê «li tu devera cîhanê—bi taybetî li ser axa Almanyayê—destdirêjiya li ser civaka Cihû û parêzvanên wê qebûl nake.»
Dîplomasiya Almanyayê bi amajeke rasterast li ser «xeter û hewildanên suîqastê yên armancgirtî» li dijî Yozef Şûster (serokê Encumena Navendî ya Cihûyên Almanyayê) û Folker Bek (nûnerê berê yê parlamentoyê û serokê Komeleya Almanya û Îsraîlê), hişyarî da ku ev cure kiryar bê encamên giran ên hiqûqî û qanûnî namînin.
Wezareta Derve ya Almanyayê di heman demê de ku van helwestên Tehranê bi tundî şermezar kir, ragihand: «Em ê nehêlin hikûmeta Îranê ewlekarî û azadiya civaka me bixe xeterê.»
