Dosiya parlamenter Muthenna Samarraî:
Li gorî daxuyaniya Dezgeha Rizgarkirinê, dadgehê li gorî madeya 319 a Zagona Cezayê Iraqê, cezayê 6 salan zindanê li Muthenna Samarraî sepandiye. Ev ji ber ku wî pozîsyona xwe ya wek endamê parlamentoyê bikar aniye û ji peyman û karên her du pargîdaniyên rafîneriyên bakur û başûr sûda neqanûnî wergirtiye. Navborî bi rêya 4 pargîdaniyên sektora taybet peyman û pere ji bo kesên nêzî xwe dabîn kiriye û 30 milyar dînar qezenca neqanûnî bi dest xistiye; ji ber vê yekê dadgehê biryar daye ku ew hemû 30 milyar dînar ji bo xezîneya dewletê vegerîne.
Dosiya parlamenter Ziyad Cenabî:
Di heman dosiyê de, Dadgeha Sûcên Li Dijî Gendeliyê li gorî madeya 319 a Zagona Cezayê, cezayê 5 salan zindanê ya tund li dijî endamê parlamentoyê Ziyad Cenabî sepandiye, piştî ku tevlîbûna wî di dabeşkirina peymanên Pargîdaniya Rafîneriyên Bakur û xerckirina pereyan ji bo pargîdanî û kesên nêzî xwe hate piştrastkirin. Dadgehê herwiha navborî mecbûr kiriye ku 4 milyar dînarên ku bi awayekî neqanûnî ji bo berjewendiya xwe bi dest xistibûn vegerîne.
