Wezîrê derve yê Îranê ragihand, rewşa Tengava Hurmuzê venagere ser qonaxa berî şerê û ewlekarî û aramiya herêmê pêdivî bi derketina tevahî ya hêzên biyanî heye, di heman demê de amadebûna Îranê ji bo gotûbêjê bi dewletên herêmê re nîşan da.
Îro yekşemî 25-y Cotmeha 2026, Abbas Erakçî, wezîrê derve yê Îranê, di daxuyaniyekê de ragihand: "Rewşa Tengava Hurmuzê bi tu awayî venagere ser wê rewşê ku berî şerê hebû, herwiha pêkanîna aşitî û stabîlîteyê li herêmê pêdivî bi dawîanîna yekcarî ya hebûna hêzên biyanî heye".
Wezîrê derve yê Îranê îşaret bi wê kir ku pêkhateya ewlehiyê ya beşek ji welatên herêmê, ku berê pişta xwe bi destwerdana biyanî ve girêdabû, niha hilweşiyaye, di heman demê de got: "Binkeyên leşkerî yên Amerîkayê li herêmê ji bo tu kesî ewlehî dabîn nekirine, belkî bûne sedema bêstabilbûnê".
Di beşekî din ê axaftina xwe de, Abbas Erakçî pêşwaziya her gavêkê kir ji bo dabînkirina ewlehiya herêmê bi rêya xwe ya dewletên herêmê û ragihand ku welatê wî ji bo diyaloqê li ser vê mijarê amade ye, herwiha dubare kir ku Îran her tim li ser pêdiviya pêkanîna stabîlîteyê û dawîanîna hemalî ya pevçûnên li hemû eniyên din jî disekine.
