Îro Duşemê, serokwezîrê Iraqê li Bexdayê civînek taybet bi hejmarek şêx û kesayetiyên eşîrên Ereb re kir. Di civînê de bal kişand ser gelek mijarên girîng; yek ji wan nîşandana razîbûna 5 komên çekdar bû ku çekên xwe radestî hikûmetê bikin.
Serokwezîrê Iraqê Elî Zeydî di destpêka civînê de ragihand: krîza aborî ya ku niha li cîhanê çêbûye, bandoreke mezin li ser aboriya Iraqê kiriye.
Wî ragihand: Di sala 2031 de hilberîna nefta Iraqê dê bigihîje 10 milyon bermîl di rojê de.
Elî Zeydî di beşeke din a axaftinên xwe de got: Em li Iraqê Fona Nifşên Xwe ava kiriye û niha 1.5 trîlyon dînar ji bo wê veqetandine; herwiha ew pereyên ku ji pêvajoyên li dijî gendeliya vegerînin jî dê bên xistin ser hesabê vê fonê.
Wî herwiha got: 5 komên çekdar razîbûna xwe nîşan dane ku çekên xwe radestî hikûmetê bikin; sê ji wan koman bi awayekî pratîk çekên xwe radest kirine û danûstandin bi yên din re berdewam e.
Serokwezîrê Iraqê herwiha ragihand: Xwîna Iraqiyan berpirsiyariya me ye; erkê me ye ku li hember rijandina xwîna her takekî Iraqî bibe asteng.
Wî herwiha tekez kir ku mehane 500 milyar dînar ji bo dayîna mafên darayî yên cotkaran veqetînin.
Derbarê tevliheviyên herêmê de jî, serokwezîrê Iraqê Elî Zeydî got: Em bi her awayî hewl didin Iraqê ji şer û pevçûnên herêmê dûr bixin.
