Tehran – Cîgirê siyasî yê Sepahê Pasdarên Şoreşa Îslamî di gotinên hişyarker de tekez kir ku di rewşa her cure destdirêjiya DY û hevalbendên wê li ser binesaziya welat de, Komara Îslamî ya Îranê dikare kabloyên sereke yên înternetê li Tengava Hurmuzê bixe hedefê.
Serdar Yedollah Civanî, cîgirê siyasî yê Sepahê, di hevpeyvînekê de bi tora nûçeyan a Alemê, bi îşaretkirina guherîna helwesta Tehranê ber bi kiryarên «aqilmend û carinan êrîşkar» ve ji bo bilindkirina hêza ragirtina êrîşan, got: «Heke DY û hevalbendên wê yên herêmî zirarê bidin binesaziya Îranê, Komara Îslamî jî dê hemû kapasîteyên xwe bi kar bîne da ku li sermaye û binesaziya wan zirarê bixe.»
Wî bi tekezîkirina li ser şiyanên teknîkî û operasyonel ên Îranê zêde kir: «Heft kabloyên girîng ên înternetê ku ji binê avên Tengava Hurmuzê derbas dibin, bi hêsanî dikarin bên tunekirin û em bêguman şiyana xwe ya gihandina zirarên girîng û stratejîk li DY û hevalbendên wê hene.»
Cîgirê siyasî yê Sepahê Pasdaranê herwiha bal kişand ser vê yekê ku şiyanên berevanî û mûşekî yên Îranê ji bo hedefgirtina cihên DY, Îsraîlê û hevalbendên wan bi awayekî berçav zêde bûne û hemû baregehên DY li herêmê û heta xalên dûrtir jî di nav rêza gihiştina mûşekan û bankaya hedefên Komara Îslamî de ne.
