Hûsiyên Yemenê careke din ragihand ku balafirgeha Riyadê, paytexta Siûdiyê, bi mûşekeke balîstîk hatiye kirin hedef û bombebaran kirin; di nav çend demjimêrên borî de, ev cara duyemîn e ku balafirgeh ji aliyê Hûsiyan ve dibe hedef.
Yehya Serî, berdevkê leşkerî yê Hûsiyan, di postekê de li ser Telegramê ragihand: Hêzên çekdar ên me îro piştî nîvro, roja pêncşemê, karîn balafirgeha Melîk Xalid li Riyadê, paytexta Siûdiyê, bi mûşekeke balîstîk bikin hedef.
Wî ragihand: Mûşekê bi serkeftî gihiştiye armanca xwe û zirarek mezin gihandiye balafirgeha, herwiha tevgera balafiran û rêwîtiyên ezmanî yên wê li balafirgeha rawestandine.
Duh çarşem, Desteya Giştî ya Balafirvaniya Sivîl a Siûdiyê ragihandibû ku her du balafirgehayên Ebha û Melîk Xalid ji aliyê Hûsiyên Yemenê ve hatine kirin hedef û destnîşan kiribû ku di êrîşa li ser her du balafirgehan de 3 kes jiyana xwe ji dest dane û 36 kesên din birîndar bûne.
