Qesra Spî ragihand ku DYA berî pêkanîna hilbijartinên nîvê heyama Kongreyê di mehê Mijdarê de, êrişeke leşkerî li ser Îranê pêk nîne.
Ana Kelly, cîgirê berdevkê Qesra Spî, di daxuyaniyekê de ji rojnameya "Financial Times" re, di bersiva gotegotên li ser danûstandinên di navbera Donald Trump û Benjamin Netanyahu de ji bo lêdana serkirdayetiya Tehranê, ragihand ku Îran niha ji her du aliyên leşkerî û aborî ve di rewşeke pir xerab de ye û herwiha tekez kir ku dorpêça deryayî li ser wî welatî bi hemû tundiya xwe berdewam dike.
Berdevka Qesra Spî herwiha destnîşan kir ku tevî hewildan û astengiyên Tehranê, hinardekirina neftê bi rêya Tengava Hurmuzê di asteke pîvanê de ye; ev di demekê de ye ku Netanyahu behsa têkiliya telefonî ya xwe û Trump kiribû, ku tê de gavên hevpar ên wan ên dahatû ji bo rûbirûbûna bi desthilatdariya Tehranê hatine nîqaşkirin.
Ev paşvekişîna demkî ya Washingtonê ji vebijarkên leşkerî re hevdem e bi nerazîbûna navxweyî ya Amerîkayê; li gorî anketa herî nû di mehê Cotmehê de, 65% ji Amerîkiyan ji awayê rêvebirina vê pevçûnê ji aliyê Trump ve nerazî ne û nêzî nîvê welatiyan jî pêşbînî dikin ku şer zêdetir ji salekê bidome, ev jî bi temamî berevajî texmînên destpêkê yên rêveberiya Amerîkayê ye ku pêşbînî dikir şer tenê 4 heta 6 hefteyan bidome.
