Elî Zeydî, serokwezîr û fermandarê giştî yê hêzên çekdar ên Iraqê, roja sêşemê di civînekê de bi hin şêwirmend û fermandarên leşkerî re, ferman da ku hemû hêzên çekdar di asta herî bilind a amadebûna leşkerî de bin.
Ofîsa ragihandinê ya serokwezîr derbarê naveroka vê civînê de ragihand: Elî Zeydî asta amadebûna hêzên çekdar ên Iraqê, bi taybetî kapasîteyên hêza hewayî, deryayî, parastina hewayî û hêza helîkopteran, ligel pêdiviyên wan ji aliyê derfet, amûr û teknolojiyên nûjen ve, nirxand.
Di domana vê daxuyaniyê de hat: Elî Zeydî ferman da ku asta amadebûna şerî ya hêzên çekdar bigihîje asta herî bilind a gengaz. Wî herwiha tekez kir ku hêza leşkerî ya nûjen êdî tenê bi çekên kevneşopî nayê sînorkirin, lê li ser kapasîteyên hewayî, balafirên bêmirov (pepah), pergalên parastina hewayî û pêşketinên teknîkî û teknolojîk piştrast dibe.
Serokwezîr herwiha li ser biryardariya hikûmetê ji bo dabînkirina hemû pêdiviyên bihêzkirin û pêşxistina kapasîteyên hêzên çekdar tekez kir, bi awayekî ku ewlekarî û serweriya Iraqê dabîn û misoger bike.
