Wezareta Derve ya Siûdiyê ragihand ku îro duşem, civînek li Tehranê di navbera nûnerên welatên Peymana Mekkeyê ya parastina hevbeş û berpirsên Îranê de tê lidarxistin, bi mebesta nîqaşkirina hewildanên aramkirina tengezariyên herêmê û dîtina çareseriyeke dîplomatîk.
Îro duşem 26 ya Cotmeha 2026, Wezareta Derve ya Siûdiyê di daxuyaniyekê de belav kir: Îro li bajarê Tehranê, paytexta Îranê, civînek di navbera nûnerên welatên Peymana Mekkeyê ya parastina hevbeş û berpirsên Îranê de tê lidarxistin.
Wezareta Derve ya Siûdiyê destnîşan kir ku serdana heyeta welatên Peymana Mekkeyê bo Tehranê di çarçoveya hewildanan de ye ji bo kêmkirina tengezarî û tevliheviyên di navbera aliyên pevçûnekê de, li gel piştgirîkirina rêyên çareseriya dîplomatîk û piştgiriya hewildanên Qeter û Pakistanê, herwiha dubarekirina rola welatên Peymana Mekkeyê di misogerkirina ewlehî û îstiqrarê li herêmê de.
