Rêvebirê bijîjkî yê klînîkê li Zanîngeha Bijîjkî ya Samara eşkere kir ku dermanên malê, wekî çay, hingiv, lîmon û şîrê germ, tenê nîşanên sermayê kêm dikin û nekarin vîrûsan ji holê rabikin an jî dema nexweşiyê kurt bikin.
Rêvebirê bijîjkî yê klînîkê li Zanîngeha Bijîjkî ya Samara rave kir: Hin ji dermanên nav malê yên berbelav, wekî çaya fêkî, hingiv, lîmon û şîrê germ, dikarin alîkar bin di sivikkirina nîşanên sermayê de, lê bi tu awayî vîrûsan ji holê nabin û dema nexweşiyê jî kurt nakin.
Li gorî gotina pispor, çaya kesk dikare terkirinê zêde bike û ji bo demek kurt dereceya germiya laşê daxîne, lê terkirina zêde bê vexwarina mîqdara pêwîst a avê dibe ku bibe sedema zuhabûna laşê, ji ber vê yekê vexwarina avê di dema nexweşiyê de girîngiya mezin heye.
Di ravekirinê de hatiye gotin: Hingiv dikare êşa qirikê û kuxikê kêm bike, ji ber ku tebeqeya wî hundirê qirikê dadigire û hestiyariyê kêm dike, lê baştir e bi ava pir germ re tevlihev nebe. Herwiha şîrê germ qirikê aram dike û di kêmkirina kuxika hişk de bikêr e. Derbarê lîmonê de jî, ji ber hebûna vîtamîna (C), sermayê derman nake, lê şilahiya hundirê dev zêde dike û alîkariya sivikkirina hin nîşanan dike.
Di dawiyê de pisporê tekez kir ku ev rêbaz tenê alîkarên dermanê ne; heke nîşanên nexweşiyê giran bin, pêwîst e ku bijîjk rasterast dermanê guncaw diyar bike.
