Rojnameya Amerîkî «Wall Street Journal» eşkere kir ku Benjamin Netanyahu, serokwezîrê Îsraîlê, zexta giran li ser Dewletên Yekbûyî dike da ku êrişên leşkerî li hundirê Îranê ji nû ve dest pê bike; di hemberî vê yekê de, Qesra Spî tekez kir ku berî hilbijartinên nav-demî tu êrişek pêk nayê.
Rojnameyê bi vegotina berdevkê Qesra Spî belav kir ku Amerîka berî hilbijartinên nav-demî dê êrişî Îranê neke. Di heman demê de, berpirsên li Rojhilata Navîn nîşan dane ku bi girîngî û hişyariya herî dawî li metirsiyên bilindbûna tengezariyê dinêrin, bi taybetî di siya gefên berdewam ên Donald Trump, serokê Dewletên Yekbûyî, û israra Tehranê li ser redkirina daxwazên Washingtonê.
Li gorî agahiyên Wall Street Journal, Netanyahu hîn jî hewlên xwe didomîne da ku Amerîkayê razî bike ji bo ji nû ve destpêkirina êrişên leşkerî li kûrahiya axa Îranê û di vê çarçoveyê de, Îsraîl li gorî agahiyên veşartî, lîsteyek ji armancên pêşniyarkirî yên bombebaranê pêşkêşî Pete Hegseth, wezîrê parastinê yê Amerîkayê, kiriye.
