Serokê Ukraynayê ji rêberên Ewropayê xwest ku ji bo berdewamiya têkoşîna li dijî Rûsyayê, ji bo sala bê 70 mîlyar euro alîkariya darayî ya zêde pêşkêş bikin.
Roja Înê 16 Cotmehê 2026, Volodîmîr Zelenski, serokê Ukraynayê, di axaftina xwe ya di civîna serokên Yekîtiya Ewropayê de li Brukselê de ragihand: «Di sala bê de lêçûna şer dê bigihîje 155 mîlyar euroyan û ji bo parastinê, kirîna çekan û xurtkirina berxwedana me, em herî kêm hewcedarî 70 mîlyar euroyên din in, ku ji aliyê we ve were dayîn (wekhevî 79 mîlyar dolar).»
Li gorî nivîsa axaftina wî ya ku di tora civakî ya «X» de hatiye weşandin, serokê Ukraynayê gotiye: «Ev pereyek rast e û ez ji we dixwazim ku vê piştgiriya ji me re peyda bikin, ku dê alîkariya me bike di rûbirûbûna bi Rûsyayê de.» Di aliyê din de, rêberên Ewropayê amaje dikin ku piştgiriya darayî û leşkerî ya Ukraynayê ji bo îsal hatiye garantîkirin, lê ji bo sala (2027) hêj bi tevahî nehatiye peydakirin.
Berê jî Yekîtiya Ewropayê deynê bi nirxa (90) mîlyar euroyan ji bo her du salên 2026 û 2027 ji bo Ukraynayê terxan kiribû, ku 45 mîlyar ji wê ji bo sala bê ye; lê ev qas têr nake û welatên Ewropayê li çavkaniyên nû digerin. Di vê çarçoveyê de, roja Pêncşemê berî destpêkirina vê civînê, Friedrich Merz, serokwezîrê Almanyayê, ragihandibû: «Divê em careke din piştgiriya darayî zêde bikin da ku em bikarin bi awayek domdar û bi bandor piştgiriya Ukraynayê bikin.»
