بەهۆی تەقەکردن لە پاڵاوگەیەکی نەوت لە سنووری پارێزگای کەرکووک پاسەوانێک کوژرا. هەڵۆ جەباری پەیامنێری کوردستان تیڤی لە کەرکووک ڕایگەیاند ڕۆژی پێنجشەممە 5ی تشرینی دووەمی 2026 لە نزیک گوندی دارەمان لە سنووری پارێزگای کەرکووک، دوو چەکدار لەسەر ماتۆڕسکیلێکەوە تەقەیان لە پاڵاوگەیەکی نەوت کرد.
بەهۆی تەقەکردنەکەوە پاسەوانێک بە ناوی (رزگار قادر) کوژراوە و سێ پاسەوانی دیکەش بریندار بوون.
ئەو پاڵاوگەیەی تەقەی لێکراوە، ناوی "سەقر عاسی"یە کە بە پێی زانیارییەکان دوو ساڵ لەمەوبەر خاوەنەکەی کوژرا و لەسەر ئەو تاوانەش سزای لەسێدارەدان بۆ سێ تاوانباری ئەو ڕووداوە دەرچوو.
