عەلی زەیدی، سەرۆکوەزیرانی عێراق، بەدواداچوونی بۆ لێکۆڵینەوەکان لەبارەی ئەو پەلامارە کرد کە کێڵگەی گازی کۆرمۆری لە سنووری پارێزگای سلێمانی کردە ئامانج، و فەرمانی کرد بە پەلەکردن لە تەواوکردنی ڕێکارەکان و ئامادەکردنی ڕاپۆرتی کۆتایی لە زووترین کاتدا.
لە ڕاگەیەندراوێکدا، سەباح نوعمان، گوتەبێژی فەرماندەی گشتیی هێزە چەکدارەکان ئاشکرای کرد، عەلی زەیدی جەختی لە پێویستیی گرتنەبەری توندترین ڕێکاری یاسایی و سزادەرانە کردووەتەوە بەرامبەر هەر کەس و لایەنێک کە بەڵگەی تێوەگلانی لەم هێرشەدا بەسەردا ساغ دەبێتەوە.
لە ڕاگەیەندراوەکەدا هاتووە کە ئەم فەرمانانەی سەرۆکوەزیران لە پێناو زامنکردنی ڕێگرییە لە دووبارەبوونەوەی پەلاماری لەم شێوەیە، هاوکات بۆ پاراستنی ئاسایشی دامەزراوە هەستیار و ژێرخانە ئابوورییەکانی وڵات و دەستەبەرکردنی گیانی کارمەندانی کێڵگەکەیە
