بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان پێشبینییەکانی کەشوهەوای بۆ 48 کاتژمێری داهاتوو بڵاوکردەوە، بەپێی پێشبینییەکان لە زۆربەی ناوچەکان ئاسمان ساماڵ و پەڵە هەور دەبێت و پلەکانی گەرماش کەمێک بەرزبوونەوە بەخۆیانەوە دەبینن.
ئەمڕۆ هەینی 13ی تشرینی دووەم، ئاسمان ساماڵ و پەڵە هەور دەبێت، لە هەندێک ناوچەش بۆ نیمچە هەور دەگۆڕێت. پلەی گەرما بەراورد بە تۆمارەکانی دوێنێ، بە نزیکەیی (1 تا 2) پلەی سیلیزی بەرز دەبێتەوە.
بەرزترین پلەی گەرمای شارەکان بۆ ئەمڕۆ:
گەرمیان: 22°C | هەڵەبجە: 18°C | دهۆک: 18°C | زاخۆ: 18°C | هەولێر: 17°C | چەمچەماڵ: 17°C | سلێمانی: 16°C | پیرمام: 14°C |حاجی ئۆمەران: 10°C
بۆ سبەی شەممە 13ی تشرینی دووەم، بە پێی پێشبینیەکانی کەشناسی، ئاسمان لەنێوان پەڵە هەور و نیمچە هەوردا دەبێت. پلەی گەرما بەراورد بە تۆمارەکانی ئەمڕۆ کەمێک بەرزتر دەبێتەوە.
بەرزترین پلەی گەرمای پێشبینیکراو بۆ سبەی:
گەرمیان: 22°C | زاخۆ: 20°C | دهۆک: 19°C | چەمچەماڵ: 19°C | هەولێر: 18°C| هەڵەبجە: 18°C | سلێمانی: 17°C | پیرمام: 14°C | حاجی ئۆمەران: 11°C
