لە ئەنجامی ڕووداوێکی هاتوچۆ لەسەر ڕێگای سەرەکیی کەرکووک - هەولێر، سێ ئۆتۆمبێل پێکیاندادا و بەهۆیەوە شەش کەس گیانیان لەدەستدا و سێ کەسی دیکەش بە سەختی بریندار بوون.
ئەمڕۆ هەینی 13ـی تشرینی دووەمی 2026، لەسەر ڕێگای سەرەکیی (کەرکووک – هەولێر) لە نزیک گوندی گەڵۆزی، ڕووداوێکی سەختی هاتوچۆ لە جۆری پێکدادان لە نێوان سێ ئۆتۆمبێل لە جۆرەکانی (یارس، کادیلاک و پیکاب دێر) ڕوویدا.
لە ئەنجامی پێکدادانەکەدا، شەش سەرنشین دەستبەجێ گیانیان لەدەستداوە، هاوکات سێ کەسی دیکەش بریندار بوون و باری تەندروستییان ناجێگیرە.
بەپێی زانیارییەکانی هەڵۆ جەباری پەیامنێری کوردستان تیڤی لە کەرکووک، ئەو کەسانەی کە لەم ڕووداوەدا گیانیان لەدەستداوە لە نەتەوەی عەرەبن و پێکهاتوون لە: دوو پیاو، دوو ئافرەت و دوو منداڵ. هەروەها لەنێو سێ بریندارەکەدا منداڵێکیش هەیە.
ئێستا بریندارەکان بە مەبەستی چارەسەری پزیشکی بۆ نەخۆشخانەکانی شاری کەرکووک گواستراونەوە.
