ئێوارەی ئەمڕۆ سێشەممە 17ـی تشرینی دووەمی 2026، ڕەفیق قادر، بەڕێوەبەری نەخۆشخانەی فریاکەوتنی شەهید هەژار لە کەلار، ڕاگەیاند کە لە گوندی (سەید مستەفا)ـی سەر بە ناحییەی قۆرەتو، هاووڵاتییەک بە ناوی (عوسمان محەمەد عەلی) لەدایکبووی ساڵی 1973، لە کاتی کارکردن و مەرەزەکردندا لەلایەن بەرازێکەوە هێرشی کراوەتە سەر.
بەڕێوەبەری نەخۆشخانەی فریاکەوتنی کەلار ئاماژەی بەوەش دا کە بەرازەکە بەسەختی ئەو هاووڵاتییەی بریندار کردووە و بەهۆی قورسیی برینەکانیشەوە گیانی لە دەستداوە.







