ئەنجومەنی وەزیرانی هەرێمی کوردستان کۆبوونەوەی ئاساییی خۆی دەکات، لە کۆبوونەوکەدا جێبەجێکردنی سیستەمی ئەسیکۆدا و دیاریکردنی کەمترین مووچەى مانگانەى خانەنشینیی کرێکارانی کەرتی تایبەت تاوتوێ دەکرێن.
ئەمڕۆ چوارشەممە 24ـی حوزەیرانی 2026، ئەنجومەنی وەزیران، بە سەرپەرشتیی مەسرور بارزانی، سەرۆکی حکوومەتی هەرێمی کوردستان و ئامادەبوونی جێگری سەرۆک وەزیران، کۆدەبێتەوە.
لە کۆبوونەوەکەدا، دوو بڕگەى سەرەکی گفتوگۆ دەکرێن:
لە بڕگەى یەکەمدا، پوختەى کۆنووسی هاوبەشی نێوان دەستەى گومرگی فیدڕاڵی و گومرگی هەرێمی کوردستان، سەبارەت بە جێبەجێکردنی سیستەمی ئەسیکۆدا، کە لە ڕۆژى 18ـی حوزەیرانی 2026 لە بەغدا واژۆ کرا، گفتوگۆ دەکرێت.
لە بڕگەى دووەمدا، چاکسازییەکان لە بوارى خانەنشینی و دەستەبەرى کۆمەڵایەتیی کرێکاران و بڕیاری دیاریکردنی کەمترین مووچەى مانگانەى خانەنشینیی کرێکارانی کەرتی تایبەت، تاوتوێ دەکرێت.
