بنەماڵەی شێخ راغب شێخ عەبدوڵڵا نەقشبەندی بۆ کۆچی دوایی خوالێخۆشبوو (عەبدولواحید ئیبراهیم شێخ عەبدولسەلام بارزانی) سەرەخۆشی لە سەرۆک بارزانی دەکەن.
دەقی پەیامەکە؛
بە ناوی خوای بەخشندە و میهرەبان
بۆ ڕێزدار جەنابی سەرۆک مەسعود بارزانی
بەداخ و پەژارەیەکی زۆرەوە، هەواڵی کۆچی دوایی خوالێخۆشبوو (عەبدولواحید ئیبراهیم شێخ عەبدولسەلام بارزانی)ـمان پێگەیشت.
بەناوی خۆمان و تەواوی بنەماڵەی شێخ راغب شێخ عەبدوڵڵا نەقشبەندی، پرسە و سەرەخۆشیی قووڵی خۆمان ئاراستەی جەنابتان و بنەماڵەی سه‌ربه‌رز و تێکۆشەری بارزانی و سەرجەم کەسووکار و خزمانی خوالێخۆشبوو دەکەین.
لە خودای گەورە داواکارین ڕۆحی خوالێخۆشبوو بە بەهەشتی بەرین شاد بکات و سەبووری و ئارامی بە جەنابتان و بنەماڵە تێکۆشەرەکەتان ببەخشێت. هاوبەشی خەمتانین.
إِنَّا لِلَّهِ وَإِنَّا إِلَيْهِ رَاجِعُونَ
شێخ راغب شێخ عەبدوڵڵا نەقشبەندی
