بەڕێوەبەرایەتیی ئاوی دهۆک ئاگادارییەکی بڵاوکردەوە و تێیدا ڕایگەیاند، بەهۆی کارکردنی تەکنیکی لە هێڵە سەرەکییەکان، دابەشکردنی ئاو لە گەڕەکی (ئێتیتێ) بۆ ماوەی 24 کاتژمێر ڕادەگیرێت.
بەپێی ڕاگەیەندراوی بەڕێوەبەرایەتییەکە، هۆکاری بڕینی ئاوەکە بۆ هەبوونی شکان و پڕۆسەی گواستنەوەی هێڵی سەرەکیی پاڵنانی ئاو لە ناوچەی (نزارێ بۆ ئێتیتێ) دەگەڕێتەوە. پڕۆسەی بڕینی ئاوەکە لە کاتژمێر 1:00ی ئەمشەوەوە دەستپێدەکات.
لە کۆتایی ڕاگەیەندراوەکەدا، بەڕێوەبەرایەتیی ئاوی دهۆک داوا لە هاووڵاتییانی نیشتەجێی ئەو گەڕەکە دەکات هاوکار بن و لە ماوەی ئەو 24 کاتژمێرەدا دەستپێوەگر بن لە بەکارهێنانی ئاودا تاوەکو کارەکان کۆتاییان دێت.
