گەشتیارێكی عەرەب لە ناوچەی گەشتیاری كونەماسی بەهۆی مەلەكردنەوە خنكا، دوایی هەوڵێكی زۆر توانرا تەرمەكەی بدۆزرێتەوە و لەناو ئاو دەربهێنرێت.
پۆلیسی سلێمانی لەبارەی رووداوەكە رایگەیاند: هاووڵاتییەکی عەرەب بە ناوی (أ، ق، ج) لەدایکبووی (2008) بۆ گەشتکردن هاتبووە ناوچەی گەشتیاری کونەماسی لە شارباژێڕ، بەداخەوە لە ئاوی کونەماسیدا بەهۆی مەلەکردنەوە خنکا.
راشیگەیاند: پۆلیسی ماوەت و بنکەی پۆلیسی گاپێڵۆنەوە بەهەماهەنگی لەگەڵ تیمی غەواسی دوکان و سەرجەم هێزە ئەمنییەکان و لایەنە پەیوەندیدارەکان، تونرا تەرمی هاووڵاتییەکە بدۆزرێتەوە و دەربهێنرێت.
پۆلیسی سلێمانی هەروەها رایگەیاند: تەرمی كەسە خنكاوەكە ڕەوانەی پزیشکی دادی كراوە و دوای وەرگرتنی بڕیاری دادوەری لێکۆڵینەوە و تەواوبوونی ڕێکارە یاساییەکان، ڕادەستی کەسوکارەكەی دەکرێتەوە.
توانرا لەلایەن مەفرەزەکانی بەشی داواکارشی لە سەرجەم هاووڵاتییان و گەشتیاران كرد خۆیان بەدوور بگرن لە مەلەکردن لەئاوی بەخوڕ و ئەو ئاوانەی کە قوڵییەکانیان نەزانراوە، بۆ ئەوەی خۆشییەکانیان لێ تێک نەچێت.
