هاتوچۆی گەرمیان ڕایگەیاند، لەگەڕەکی شەهیدانی کەلار، بەهۆی پێکدادانی دوو ئۆتۆمبێل دوو کەس بریندار بوون و ڕەوانەی نەخۆشخانە کران.
بەیانی ئەمڕۆ چوارشەممە 22ـی تەمووز، بەڕێوەبەرایەتیی هاتوچۆی گەرمیان ڕایگەیاند، ئۆتۆمبێلکی جۆری (نیسان سینترا) و (هۆندای ئەڤانتی)، لە نزیک مزگەوتی عومەری کوڕی خەتاب لەگەڕەکی شەهیدانی کەلار پێکیاندادا، لەئەنجامی ڕووداوەکە شۆفێری (هۆندا ئەڤانتی) و سەرنشینێکی (نیسان سێنترا) بریندار بوون.
ئاماژەی بەوەش کردووە، بریندارەکان لەدایکبووی ساڵی (2003) و (1979)ـن.
هاتوچۆی گەرمیان روونی کردووەتەوە، لەلایەن تیمی هاتوچۆوە هێڵکاری بۆ ڕووداوەکە ئەنجام دراوە و لێکۆڵینەوە بۆ زانینی چۆنیەتی و هۆکاری ڕووداوەکە بەردەوامە.
