هووبەرت سپیدنام (Hubert Sepidnam)، کە زۆرتر بە نازناوی "مستر تێستەر" (Mr. Taster) دەناسرێت، کەسایەتییەکی دیاری تۆڕە کۆمەڵایەتییەکان و یەکێکە لە ناسراوترین ڕەخنەگرانی بواری خواردن (Food Critic) لە ئێران و ڕۆژهەڵاتی ناوەڕاست وجیهان ئێستا بە سەردانێک لە هەرێمی کوردستانە و خواردنی کوردی تاقیدەکاتەوە.
هووبەرت سپیدنام لە تاران لەدایکبووە و دواتر بۆ ماوەیەک لە وڵاتی بەریتانیا ژیاوە. ئەو بەهۆی عەشق و خولیای بۆ خواردن، بووەتە "بلۆگەرێکی" بەناوبانگی بواری گەشتوگوزار و چێشتلێنان. نازناوی "مستر تێستەر"ی بۆ خۆی هەڵبژاردووە و بەو ناوەشەوە لە ئینستاگرام و یوتیوب ملیۆنان فۆڵۆوەری هەیە.
جگە لەوەی تێستەری خواردنە، ئەو بازرگان و پسپۆڕێکی سەرکەوتووە لە بواری تەکنەلۆژیا. دامەزرێنەری کۆمپانیای "کاسپید" (Kaspid) ـە، کە کۆمپانیایەکی دیاری بواری دیجیتاڵ مارکێتینگ، دروستکردنی ماڵپەڕ و ڕاوێژکاریی ئۆنلاینە لە ئێران.
مستر تێستەر بە وڵاتانی جیهاندا دەگەڕێت و سەردانی چێشتخانەکان دەکات (لە چێشتخانە زۆر گرانبەهاکانەوە تاوەکو خواردنگە سادەکانی سەر شەقام). ئەو لە ڤیدیۆکانیدا تام و چێژ و کوالێتیی خواردنەکان هەڵدەسەنگێنێت. زۆرجار بەهۆی شێوازی خواردنی و قسەکردنی، سەرنجی بینەران ڕادەکێشێت.
مستر تێستەر چەندین جار سەردانی هەرێمی کوردستانی کردووە، بەتایبەتی شارەکانی هەولێر و سلێمانی. ئەو چەندین ڤیدیۆی لەسەر خواردنە کوردییەکانی وەک کبابی سلێمانی، دۆڵمە، برنج و شلە، و جۆرە جیاوازەکانی تری خواردنی کوردی بڵاوکردووەتەوە و ستایشی تامی خواردن و میواندۆستیی کوردی کردووە. ئەم سەردانانەی وای کردووە لە ناو کوردیشدا ناسراو بێت.
بە کورتی، ئەو تێکەڵەیەکە لە "مارکێتینگ" و "خواردن"، و توانیویەتی ناوی خۆی وەک براندێکی جیهانی لە بواری تێستکردنی خواردندا بچەسپێنێت.
بەشێک لە کارەکانی لە هەرێمی کوردستان
دۆڵمەی کوردی و نانی کوردی و کوبە لەبیر ناکەم
