لە شارۆچکەی چەمچەماڵ ڕووداوێکی دڵتەزێن ڕوویدا، هاووڵاتییەک بە ناوی (ڕزگار ئەحمەد) بەهۆی بیستنی هەواڵێکی ناڕاست دەربارەی کچەکەی، تووشی جەڵتە بوو و گیانی لەدەستدا.
بەپێی ئەو زانیاریانەی دەست پەیامنێری (کوردستان تیڤی) کەوتووە، هەواڵێکی ناڕاست بە ڕزگار ئەحمەد گەیەندراوە کە کچەکەی تووشی ڕووداوی هاتوچۆ بووە و لە نەخۆشخانەی چەمچەماڵە. بە بیستنی ئەو هەواڵە، باوکەکە دەستبەجێ تووشی جەڵتەی دڵ بووە و گیانی لەدەستداوە.
ئەوەی ئەم ڕووداوەی کردووەتە کارەساتێکی گەورەتر، ئەوەیە کە دوای گیانلەدەستدانی باوکەکە، دەرکەوتووە ئەو هەواڵە دوور بووە لە ڕاستییەوە و کچەکەی هیچ ڕووداوێکی بۆ دروست نەبووە و تەندروستیی باشە.
