بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ڕەوشی کەشوهەوای 48 کاتژمێری داهاتووی خستەڕوو ڕایگەیاند، ئاسمان ساماڵ دەبێت و پلەی گەرما بەرز دەبێتەوە.
ئەمڕۆ دووشەممە 25ـی ئایار، بەڕێوەبەرایەتیی کەشناسی و بومەلەرزەزانی هەرێم ڕایگەیاند: ئاسمان بە گشتی ساماڵ و پەڵەهەور دەبێت. ئاراستەی با بەرەو باکووری ڕۆژئاوا دەبێت و خێراییەکەی لە نێوان 10 بۆ 20 کم/ک دەبێت. پلەی گەرما نزیک دەبێتەوە لە تۆمارکراوەکانی دوێنێ.
بۆ سبەی سێشەممە 26ـی ئایار، بە پێی پێشبینیەکانی کەشناسی ئاسمان وەک ئەمڕۆ بە ساماڵ و پەڵەهەور دەمێنێتەوە. پێشبینی دەکرێت پلەی گەرما بە ڕێژەیەکی کەم 1 بۆ 2 پلە بەراورد بە تۆمارکراوەکانی ئەمڕۆ بەرز ببێتەوە.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:-
| شار و ناوچە جیاجیاکانی هەرێمی کوردستان | دووشەممە | سێشەممە |
| هەولێر | 34 | 35 |
| سلێمانی | 32 | 33 |
| دهۆک | 29 | 30 |
| هەڵەبجە | 33 | 34 |
| زاخۆ | 30 | 31 |
| چەمچەماڵ | 33 | 34 |
| پیرمام | 29 | 30 |
| گەرمیان | 38 | 39 |
| حاجی ئۆمەران | 21 | 22 |
