بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ڕەوشی کەشوهەوای 48 کاتژمێری داهاتووی خستەڕوو و ڕایگەیاند، باران و هەورەبرووسکە هەندێک ناوچە دەگرێتەوە و سبەی پلەی گەرما نزم دەبێتەوە.
ئەمڕۆ یەکشەممە 24ـی ئایار، بەڕێوەبەرایەتیی کەشناسی و بومەلەرزەزانی هەرێم ڕایگەیاند: ئاسمانی هەرێم لە زۆربەی کاتەکاندا نیمچە هەور دەبێت. پێشبینی بارانبارین و هەورەبرووسکە لە بەشێک لە ناوچە جیاجیاکانی سنووری پارێزگای دهۆک، ئیدارەکانی زاخۆ، سۆران و ڕاپەڕین دەکرێت.
هاوکات خێرایی با لە دوای نیوەڕۆوە زیاد دەکات بۆ سەرووی 35 کم/ک، ئەمەش دەبێتە هۆی بەرزبوونەوەی تۆز و خۆڵ لە ناوچە دەشتاییەکانی باشووری هەولێر، بەشێک لە ئیدارەی گەرمیان و پارێزگای کەرکووک.
بۆ سبەی دووشەممە 25ـی ئایار، بە پێی پێشبینیەکانی کەشناسی ئاسمان ساماڵ و پەڵەهەور دەبێت و لە ناوچە شاخاوییەکان بە نیمچە هەوری دەمێنێتەوە. بەهۆی کاریگەریی بارستە هەوایەکی فێنک، پلەی گەرما بە ڕێژەی 2 بۆ 4 پلەی سیلیزی بەراورد بە تۆمارکراوەکانی ئەمڕۆ نزم دەبێتەوە. ئاراستەی با بەرەو باکووری ڕۆژئاوا دەبێت و خێراییەکەی لەسەرخۆ دەبێت.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:-
| شار و ناوچە جیاجیاکانی کوردستان | یەکشەممە | دووشەممە |
| هەولێر | 33 | 28 |
| سلێمانی | 30 | 26 |
| دهۆک | 26 | 26 |
| هەڵەبجە | 33 | 27 |
| زاخۆ | 31 | 26 |
| چەمچەماڵ | 33 | 29 |
| سۆران | 30 | 25 |
| پیرمام | 29 | 24 |
| گەرمیان | 36 | 33 |
| حاجی ئۆمەران | 21 | 18 |
