بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ڕەوشی کەشوهەوای 48 کاتژمێری داهاتووی خستەڕوو و ڕایگەیاند، پلەی گەرما بەرز دەبێتەوە و ئەگەری نمەباران لە ناوچە شاخاوییەکان هەیە.
ئەمڕۆ هەینی 22ـی ئایار، بەڕێوەبەرایتیی کەشناسی و بومەلەرزەزانی هەرێم ڕایگەیاند: ئاسمان بە گشتی ساماڵ و پەڵەهەور دەبێت. لە کاتەکانی دوای نیوەڕۆدا، ئەگەری نمەباران و تاوەبارانی پچڕپچڕ لە ناوچە شاخاوییە سنوورییەکانی پارێزگای هەولێر، دهۆک و ئیدارەکانی ڕاپەڕین و سۆران هەیە، کە هەندێک کات هەورەبرووسکەی لەگەڵدا دەبێت. پلەی گەرما هاوشێوەی تۆمارکراوەکانی دوێنێ دەبن.
بۆ سبەی شەممە، 23ـی ئایار، بە پێی پێشبینیەکانی کەشناسی ئاسمان لە زۆربەی کاتەکاندا ساماڵ دەبێت و هەندێک کات دەگۆڕێت بۆ پەڵەهەور. پلەی گەرما بەراورد بە ئەمڕۆ بە ڕێژەی 2 بۆ 3 پلەی سیلیزی بەرز دەبێتەوە.
بەرزترین پلەی گەرمای پێشبینیکراو بۆ ئەمڕۆ و سبەیبە پلەی سیلیزی:
| شار و ناوچە جیاجیاکانی هەرێمی کوردستان | هەینی | شەممە |
| هەولێر | 26 | 29 |
| سلێمانی | 27 | 30 |
| دهۆک | 27 | 29 |
| هەڵەبجە | 29 | 31 |
| زاخۆ | 25 | 28 |
| چەمچەماڵ | 28 | 32 |
| سۆران | 23 | 26 |
| گەرمیان | 34 | 36 |
| پیرمام | 21 | 25 |
| حاجی ئۆمەران | 16 | 18 |
