بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ڕەوشی کەشوهەوای 48 کاتژمێری داهاتووی خستەڕوو ڕایگەیاند، پلەی گەرما دادەبەزێت.
ئەمڕۆ پێنجشەممە 11ـی حوزەیران، بەڕێوەبەرایەتیی کەشناسی و بومەلەرزەزانی هەرێم ڕایگەیاند: ئاسمان بەگشتی ساماڵ دەبێت. پلەی گەرما بە بڕی 1 بۆ 2 پلە بەراورد بە دوێنێ بەرز دەبێتەوە، بە شێوەیەک لە هەولێر، زاخۆ و چەمچەماڵ دەگاتە 42 پلەی سیلیزی.
بۆ سبەی هەینی 12ـی حوزەیران، بە پێی پێشبینیەکانی کەشناسی: ئاسمان ساماڵ و پەڵە هەور دەبێت. پێشبینی دەکرێت پلەی گەرما بە بڕی 2 بۆ 3 پلەی سیلیزی نزم ببێتەوە بەراورد بە تۆمارەکانی ئەمڕۆ.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:-
| شار و ناوچە جیاجیاکانی هەرێمی کوردستان | پێنجشەممە | هەینی |
| هەولێر | 42 | 39 |
| سلێمانی | 39 | 38 |
| دهۆک | 40 | 39 |
| چەمچەماڵ | 42 | 40 |
| زاخۆ | 42 | 40 |
| پیرمام | 37 | 34 |
| حاجی ئۆمەران | 30 | 27 |
