ئێوارەی ئەمڕۆ لە قەزای کەلار، ڕووداوێکی دڵتەزێن ڕوویدا و مێرمنداڵێکی تەمەن 16 ساڵان بە ناوی (ئەلەند هاوار) لە کاتی مەلەکردندا گیانی لەدەست دا.
بەپێی زانیارییەکان، ئەو مێرمنداڵە کە بە ڕەچەڵەک خەڵکی ناوچەی 12 ئیمامە لە سنووری قەزای کفری، لە ناو حەوزێکی بچووکی تایبەت بە منداڵان خەریکی مەلەکردن بووە.
سەبارەت بە هۆکاری ڕووداوەکە، پەیامنێری کوردستان تیڤی ئاماژەی بەوە کردووە کە ناوبراو پێشینەی نەخۆشیی گەشکەی هەبووە، لە کاتی مەلەکردنەکەدا تووشی گەشکە بووە و بەهۆیەوە لە ناو ئاوەکەدا خنکاوە.
