لە ناو شاری یاری کەلار، منداڵێکی تەمەن ساڵ و نیو کەوتە ناو حەوزێکی ئاو و بەهۆیەوە باری تەندروستی تێکچوو.
ئێوارەی ئەمڕۆ سێشەممە 30ـی حوزەیران، ڕەفیق قادر بەڕێوەبەری نەخۆشخانەی فریاکەوتنی شەهید هەژار بە (کوردستان تیڤی) ڕاگەیاند: منداڵێکیان هێناوەتە نەخۆشخانەکەمان بە ناوی (ئەیمەن ڕەنجدەر) کە تەمەنی تەنها ساڵ و نیوێکە، دوای ئەوەی لە شاری یاری کەلار کەوتووەتە ناو حەوزێکی ئاوەوە.
بەڕێوەبەری نەخۆشخانەی فریاکەوتنی شەهید هەژار، ئاماژەی بەوەشدا: ئەو منداڵە و خێزانەکەی دانیشتووی شاری هەولێرن و بە مەبەستی میوانی سەردانی شاری کەلاریان کردبوو.
