پارێزگاری كەركووك بڕیاری دا دەوامی سەرجەم فەرمانبەرانی پارێزگاكە كەم بكرێتەوە بەهۆی بەرزبوونەوەی پلەكانی گەرما.
بەگوێرەی راگەیەنراوی پارێزگاری كەركووك، دەوامی سەرجەم فەرمانبەران لە كەركووك كاتژمێر 7:30 بەیانی دەست پێ دەكات و لە كاتژمێر 1:30ی دوای نیوەڕۆ كۆتایی دێت.
كەمكردنەوەی دەوامی فەرمانبەرانی كەركووك لە رۆژی یەكشەممەی داهاتوو دەست پێ دەكات و تاكو رۆژی 31ی مانگی ئابی داهاتوو بەردەوام دەبێت.
ئەم بڕیارەی پارێزگاری كەركووك لە كاتێكدایە كە ماوەی چەند رۆژێكە پلەكانی گەرما لە هەرێمی كوردستان و تەواوی پارێزگاكانی عێراق بەشێوەیەكی بەرچاو روویان لە بەرزبوونەوە كردووە و لە هەندێك شوێن گەیشتووەتە 50 پلەی سیلیزی.
