دژەتیرۆری عێراق رایگەیاند كە ئەمڕۆ یەكشەممە هێزەكانیان لە پردێ رووبەڕووی ژمارەیەك لە تیرۆریستانی داعش بوونەتەوە، لە رووبەڕووبوونەوەكەدا هێزەكانیان توانیویانە دوو چەكداری داعش بكوژن كە پشتێنی بۆمبڕێژكراویان بەخۆیانەوە بەستبوو.
دەزگای دژەتیرۆری عێراق رایگەیاند: هێزەكانی دژەتیرۆی عێراق لە شارۆچكەی پردێ لە سنووری پارێزگای كەركووك، رووبەڕووی ژمارەیەك لە تیرۆریستانی داعش بوونەتەوە.
هێزەكانی دژەتیرۆر دوای رووبەڕووبوونەوەیەكی سەخت، دوو چەكداری داعشیان كوشتووە كە پشتێنی بۆمبڕێژكراویان بەخۆیانەوە بەستبوو.
دەزگای دژەتیرۆری عێراق ئاماژەی بەوەش دا كە هێزەكانیان توانیویانە پشتێنەی بۆمبڕێژكراوی هەردوو چەكدارەكە پووچەڵ بكەنەوە.
