لە سنووری قەزای پشدەر، ئافرەتێکی تەمەن 40 ساڵ لە کوێستانی قەندیل، بەهۆی هەڵدێرانەوە کەوتە ناو ڕووبار و خنکا.
بەپێی زانیارییەکانی خدر ڕەزگەیی، پەیامنێری کوردستان تیڤی، پێشنیوەڕۆی ئەمڕۆ سێشەممە 14ـی تەمووز، ئافرەتێک بە ناوی (نەسرین خدر غەریب) کە تەمەنی 40 ساڵە و دانیشتووی ناحیەی سەنگەسەری سەر بە قەزای پشدەرە، لە نزیک هەوارگەی سەرشێخانی کوێستانی قەندیل هەڵدێراوە.
زانیارییەکان ئاماژە بەوە دەکەن، ئەو ئافرەتە دوای هەڵدێرانی کەوتووەتە ناو ڕووبار و بەهۆیەوە خنکاوە، دواتر تەرمەکەی لەناو ڕووبارەکە دەرهێنراوەتەوە.
