فه‌رمانگه‌ی ڕێكخراوه ناحكوومییه‌كانی حكوومه‌تی هه‌رێمی كوردستان له ڕۆژی جیهانی ژینگه‌دا په‌یامێكی دڵسۆزانه‌ی ئاڕاسته‌ی ڕێكخراوه‌كانی پێوه‌ندیدار به ژینگه و ژینگه‌پارێزانی كوردستان كردووه و ده‌ڵێت، پێزانینمان هه‌یه بۆ ڕۆڵ و ماندووبوونتان له بڵاوكردنه‌وه‌ی هۆشیاری ژینگه‌یی و پاراستنی سروشتی جوانی كوردستان.
ئه‌وه‌ش ده‌قی په‌یامه‌كه‌یه..
بەناوی خودای گەورە و میهرەبان
بەبۆنەی ڕۆژی جیهانی ژینگەوە، فەرمانگەی ڕێکخراوەکانی ناحکوومی حکومەتی هەرێمی کوردستان، سوپاس و پێزانینی دڵسۆزانە ئاراستەی سەرجەم ڕێکخراوەکانی ناحکوومی و خۆبەخشەکان و هاووڵاتییان دەکات کە کار بۆ پاراستنی ژینگە و سامانە سروشتییەکانی وڵاتمان دەکەن.
خاک و شاخ و دارستان و ڕووبار و فەزای سەوزاییمان میراتێکی بەنرخە کە دەبێت بۆ نەوەکانی داهاتوو بپارێزرێت.
داوا لە هەموو ڕێکخراوەکان و ئەندامانی کۆمەڵگا دەکەین کە پابەندبوونیان بە پاراستنی ژینگە بەهێزتر بکەن لە ڕێگەی چاندنی نەمام و کەمکردنەوەی پیسبوون و پاراستنی ئاو و پێشخستنی پراکتیزە بەردەوامەکان لە ژیانی ڕۆژانەیاندا.
پێکەوە دەتوانین کوردستانێکی پاکتر و سەوزتر و تەندروستتر بنیات بنێین.
با هەموومان بەرپرسیارێتی پاراستنی سروشت و گرنگیدان بەو ژینگەیەی کە بەردەواممان دەکات لە ئەستۆ بگرین، سروشتی ووڵاتەکەمان چاوی لێمانە.
دووبارە ڕۆژی جیهانی ژینگە پیرۆز بێت.
