کەمێک پێش ئێستا لە گەڕەکی ئاوباریکی سنووری قەزای ڕزگاری، ڕووداوێکی تەقەکردن ڕوویدا و بەهۆیەوە گەنجێک گیانی لەدەست دا و خوشکەکەشی بریندار بوو.
ڕەفیق قادر، بەڕێوەبەری نەخۆشخانەی فریاکەوتنی شەهید هەژار ڕایگەیاند: "ئەو دوو کەسەی گەیەندراونەتە نەخۆشخانە خوشک و بران، بەهۆی سەختی برینەکەیەوە گەنجێک بەناوی (زیرەک بەکر) گیانی لەدەستداوە و خوشکەکەشی کە بریندارە، لە ئێستادا چارەسەری پزیشکی بۆ دەکرێت."
سەبارەت بە ڕێکارە یاساییەکان، سەرچاوەیەکی ئەمنی ڕایگەیاند: "تۆمەتباری ڕووداوەکە لە قەزای ڕزگاری خۆی ڕادەستی هێزە ئەمنییەکان کردووە و لێکۆڵینەوەی ورد لەبارەی هۆکاری ڕووداوەکە دەستیپێکردووە
