لە سۆران ئۆتۆمبێلێک وەرگەڕا و شەش کەس بریندار بوون

بەڕێوەبەرایەتی هاتوچۆی سۆران ڕووداوێکی وەرگەڕانی بڵاوکردەوە و رایگەیاند کە لە ڕووداوەکەدا 6 کەس بریندار بوون.

بەڕێوەبەرایەتی هاتوچۆی سۆران ڕایگەیاند، ئۆتۆمبێلێک لە ناحیەی مەزنێ وەرگەڕا و بەهۆیەوە 6 کەس بریندار بوون و لە ناویاندا برینی شۆفێرەکە سەختە.

هاتوچۆی سۆران ئاماژەی بەوە کرد کە شۆفێری ئۆتۆمبێلەکە کۆنترۆڵی لەدەست داوە و خۆی بە ستونی کارەبادا کێشاوە و بەهۆیەوە توشی وەرگەڕان بووە.

هاتوچۆی سۆران داوای لە هاووڵاتییان کرد کە کە پابەندی خێرای دیاری کراوبن و یاسا و ڕێساکانی هاتوچۆ جێبەجێ بکەن.