بەڕێوەبەرایەتی لاوانی ئیدارەی سەربەخۆی سۆران خولێکی تۆپی پێی بۆ لاوانی سنووری ئیدارەکە کردەوە و ئاشکرایان کرد کە مانگی ئاب خولەکە دەست پێ دەکات.
ئەمڕۆ یەکشەممە بەڕێوەبەرایەتی لاوانی ئیدارەی سەربەخۆی سۆران بڵاویان کردەوە، بە مەبەستی پشتگیری کردنی لاوان و پەرە پێدان بە تواناکانیان، خولێکی تۆپی پێ بۆ گشت ناوەندەکانی وەرزش و لاوانی سنووری قەزاکانی سەر بە ئیدارەکە دەکەنەوە.
بەڕێوەبەرایەتییەکە ئاشکرای کرد کە لە ئێستادا ئامادەکاری پێوست کراوە بۆ بەڕێوەبردنی خولەکە و بڕیار وایە لە سەرەتای مانگی ئاب(8) بەفەرمی خولەکە دەست پێ بکات.
بەڕێوەبەرایەتی لاوانی ئیدارەی سەربەخۆی سۆران لە ڕاگەیەندراوەکەدا ئاماژەیان بەوە کردووە، ئەم خولە لە پێناو بەهێزکردنی پەرەپێدان بە بەهرەی لاوان و بەهێزکردنی رۆحی هاوکاری و دروستکردن و پتەوکردنی پەیوەندییە لە نێوان لاوانی ناوچە جیاوازەکانی دەڤەرەکە.
