مەسرور بارزانی سەرۆکی حکوومەتی هەرێمی کوردستان، بەبۆنەی کۆچی دوایی (شێخ ئەحمەد بن ڕاشد ئال مەکتووم) پەیامێکی سەرەخۆشی ئاراستەی شێخ محەمەد بن ڕاشد ئال مەکتووم، جێگری سەرۆکی ئیمارات و حاکمی دوبەی کرد.
دەقی پەیامی مەسرور بارزانی:-
پرسە و سەرەخۆشیی قووڵ و دڵسۆزانەی خۆمان ئاراستەی برام خاوەنشکۆ شێخ محەمەد بن ڕاشد ئال مەکتووم و دەوڵەتی میرنشینە یەکگرتووە عەرەبییەکان (ئیمارات)، بە سەرکردایەتی، حکوومەت و گەلەکەیەوە دەکەین، بۆ کۆچی دوایی خوالێخۆشبوو شێخ ئەحمەد بن ڕاشد ئال مەکتووم.
لە کاتێکدا گوزارشت لە خەم و پەژارەی قووڵمان بۆ ئەم کۆستە گەورەیە دەکەین، لە خوای گەورە و باڵادەست دەپاڕێینەوە کۆچکردوو بە ڕەحمەت و لێخۆشبوونی فراوانی خۆی شاد بکات، جێگای بەهەشتی بەرین بێت، گۆڕەکەی بکاتە باخچەیەک لە باخچەکانی بەهەشت و سەبووری و دڵنەواییش بە خانەوادە بەڕێزەکەی و کەسوکار و خۆشەویستانی ببەخشێت.
