مەسرور بارزانی، سەرۆکی حکوومەتی هەرێمی کوردستان، ئەمڕۆ چوارشەممە 1ی تەممووزی 2026، لە ڕێگەی پەیوەندییەکی تەلەفۆنییەوە سەرەخۆشی لە هونەرمەندی ناسراوی کورد، حەمە زیرەک کرد بۆ کۆچی دوایی هاوسەرەکەی.
لە پەیوەندییە تەلەفۆنییەکەدا، سەرۆکی حکوومەت هاوخەمیی قووڵی خۆی بۆ هونەرمەند حەمە زیرەک و تەواوی بنەماڵەکەی دەربڕی و هیوای خواست کە ئەمە دوا کۆست و ناخۆشیی ئەو خێزانە بێت. مەسرور بارزانی هاوکات نزا و پاڕانەوەی هەبوو کە خودای مەزن گیانی کۆچکردوو بە بەهەشتی بەرین شاد بکات و سەبووری و دڵنەوایی بە کەسوکار و ئازیزانی ببەخشێت.
لەلایەن خۆیەوە، هونەرمەند حەمە زیرەک سوپاس و پێزانینی خۆی و بنەماڵەکەی بۆ سەرۆکی حکوومەت دەربڕی، بۆ پەیوەندییەکەی و دەربڕینی هاوخەمی و پشتگیری لەم کاتە سەختەدا. ئەم جۆرە پەیوەندییانەی سەرۆکی حکوومەت وەک ئاماژەیەک بۆ ڕێزگرتن و بایەخدان بە پێگەی هونەرمەندان و کەسایەتییە کلتوورییەکانی هەرێمی کوردستان دەبینرێت.
