متمانەی جەماوەر و شکۆی هاووڵاتی لە دیدگای مەسرور بارزانییەوە

لە ئەدەبیاتی دەسەڵاتداریدا، حکوومەت تەنیا پێکهاتەیەکی کارگێڕیی ڕووت نییە، بەڵکو پەیماننامەیەکی ئەخلاقییە لەنێوان ڕابەرایەتی و گەلدا. لە کاتێکدا سیاسەت زۆر جار لە کێشمەکێش و بەرژەوەندیی تەسکدا دەستەمۆ دەبێت، بەڵام لە کابینەی نۆیەمی حکوومەتی هەرێمی کوردستاندا و بە ڕابەرایەتیی مەسرور بارزانی، چەمکی فەرمانڕەوایی مانایەکی دڵسۆزانەی وەرگرت: هاووڵاتی بووە میحوەری سەرەکیی تەواوی بڕیار و ستراتیژییەکان.