بەڕێوەبەرایەتیی گشتیی حەج و عومرە لە وەزارەتی ئەوقاف و کاروباری ئایینیی حکوومەتی هەرێمی کوردستان، زانیارییەکانی تایبەت بە ناوی مامۆستایانی ئایینی بۆ پرۆسەی حەجی ساڵی 2027 ئاشکرا کرد، کە بە مەبەستی ڕێنماییکردن و ڕێنوێنیکردنی حاجییان هەڵبژێردراون.
کاروان ستوونی گوتەبێژی بەڕێوەبەرایەتیی گشتیی حەج و عومرە رایگەیاند: ناوی ئەو مامۆستایانەی دەبنە هاریكاری حاجییان لە ڕێگەی سێ فایلی سەرەکییەوە بڵاوکراونەتەوە.
کاروان ستوونی راشیگەیاند: جگە لە ناوهێنراوانی فایلە سەرەکییەکان، فایلێکی دیکەش تایبەت بە ناوی مامۆستایانی یەدەک ئامادەکراوە، بۆ ئەوەی لە کاتی پێویستدا بۆ پرۆسەی حەجی 2027 پشتیان پێ ببەسترێت.
گوتەبێژی بەڕێوەبەرایەتیی گشتیی حەج و عومرە لە کۆتاییدا جەختی کردەوە کە سەرجەم مامۆستایان و لایەنە پەیوەندیدارەکان دەتوانن ڕێکار و مامەڵەکانیان بەپێی لیستە بڵاوکراوەکان بەڕێوەببەن، لەمبارەیەشەوە تەواوی ئامادەیی خۆیان بۆ ڕاییکردنی ئەرکەکان نیشانداوە.
وێنە: لیستی ناوی مامۆستایانی ئایینی:-
