نێچیرڤان بارزانی لە رۆژی جیهانی ژینگە پەیامێك بڵاو دەكاتەوە

سەرۆكی هەرێمی كوردستان ئەمڕۆ هەینی لە رۆژی جیهانی ژینگەدا پەیامێك بڵاو دەكاتەوە و و تێیدا رایدەگەیەنێت "سڵاو و پێزانین ئاراستەی سەرجەم ژینگەپارێزان دەكەم كە دڵسۆزانە بۆ جوانی وڵاتەكەمان كار دەكەن".

نێچیرڤان بارزانی سەرۆكی هەرێمی كوردستان هەروەها رایدەگەیەنێت: پاراستنی ژینگە ته‌نيا ئه‌ركێكى حكوومى نييه‌، به‌ڵكو ئەرکی هەموومانە لە ناوەندەکانی پەروەردە، خێزان، میدیا و دامەزراوەكان، پێکەوە کار بۆ بڵاوکردنەوەی ڕۆشنبیریی ژینگەپارێزی وڵاتەکەمان بکەین.

دەقی پەیامەكەی نێچیرڤان بارزانی سەرۆكی هەرێمی كوردستان لە رۆژی جیهانی ژینگە:-

ئه‌مڕۆ لە ڕۆژی جیهانیی ژینگەدا، سڵاو و پێزانین ئاراستەی سەرجەم ژینگەپارێزان، ڕێکخراوەکان و لايه‌نه‌ پەیوەندیدارەکانی هه‌رێمى کوردستان دەکەم کە دڵسۆزانە بۆ پاراستنی سروشت و ژینگەى جوانی وڵاتەکەمان کار دەکەن.

پاراستنی ژینگە و ڕووبەڕووبوونەوەی لێکەوتەکانی گۆڕانی ئاو و هەوا، ته‌نيا ئه‌ركێكى حكوومى نييه‌، به‌ڵكو بەرپرسیاريه‌تییەکی گەورەی نیشتمانی و مرۆیيی هاوبەشە. ئەرکی هەموومانە لە ناوەندەکانی پەروەردە، خێزان، میدیا و دامەزراوەكان، پێکەوە کار بۆ بڵاوکردنەوەی ڕۆشنبیریی ژینگەپارێزی و کەمکردنەوەی مەترسییەکانی سەر سروشتی وڵاتەکەمان بکەین.