بەبۆنەی هاتنەوەی جەژنی پیرۆزی قوربان، نووسینگەی مەلامستەفا بارزانی پەیامێکی پیرۆزبایی بڵاوکردەوە و تێیدا وێڕای پیرۆزبایی لە سەرۆک مەسعود بارزانی، جەختی لە گرنگیی ئەم بۆنەیە بۆ چەسپاندنی تەبایی و سەقامگیری لە هەرێمی کوردستان کردەوە.
دەقی ڕاگەیەندراوەکەی نووسینگەی مەلامەستەفا بارزانی:
بەبۆنەی جەژنی پیرۆزی قوربانەوە، گەرمترین پیرۆزبایی ئاراستەی مەرجەعی باڵای نیشتمانمان، ڕێزدار جەنابی سەرۆک مەسعود بارزانی دەکەین، کە هەمیشە چەتری ئیرادە و ناسنامەی گەلەکەمان بووە لە قۆناغە سەختەکاندا. سەری ڕێز لەبەردەم بنەماڵەی سەربەرزی شەهیداندا دەچەمێنینەوە و سڵاو بۆ پێشمەرگە قارەمانەکان، خەڵکی کوردستان و سەرجەم موسڵمانان دەنێرین.
ئومێدەوارین ئەم بۆنە پیرۆزە، ببێتە وەرچەرخانێکی نوێ بۆ چەسپاندنی تەبایی، ئارامیی سیاسی و سەقامگیریی کۆمەڵایەتی، و دەروازەیەکی ڕوون بێت بۆ بەدیهاتنی تەواوی ئاواتە باڵا و مافە ڕەواکانی گەلەکەمان.
دووبارە جەژنی هەمووان پیرۆز بێت، و هەمیشە لە خۆشی و تەبایی دا بژین.
ڕاگەیاندنی نووسینگەی مەلامستەفا بارزانی
