سەرۆكی هەرێمی كوردستان پەیامێكی هاوخەمی بەهۆی كۆچی دوایی د. عەبدولفەتاح عەلی بۆتانی نووسەر و ئەکادیمیست و سەرۆکی پێشووی ئەکادیمیای کوردی بڵاو كردەوە.
نێچیرڤان بارزانی سەرۆكی هەرێمی كورستان لە پەیامە هاوخەمییەكەدا رایدەگەیەنێت "خوالێخۆشبوو د. عەبدولفەتاح عەلی بۆتانی تەمەنێک بە دڵسۆزی خزمەتی بە زانست، ڕۆشنبیری و فەرهەنگی کوردی کرد".
دەقی پەیامە هاوخەمییەكەی نێچیرڤان بارزانی سەرۆكی هەرێمی كورستان:-
بۆ کۆچی دواییی نووسەر، ئەکادیمیست و سەرۆکی پێشووی ئەکادیمیای کوردی، خوالێخۆشبوو د. عەبدولفەتاح عەلی بۆتانی، سەرەخۆشی لە بنەماڵە و کەسوکاری بەڕێزیان، ئەکادیمیای کوردی و تەواوی نووسەران و ئەکادیمیستانی کوردستان دەکەم، هاوخەمیانم.
خوالێخۆشبوو تەمەنێک بە دڵسۆزی خزمەتی بە زانست، ڕۆشنبیری و فەرهەنگی کوردی کرد.
لە خوای مەزن داواکارم گیانی بە بەزەیی و میهرەبانیی خۆی شاد بکات و ئارامی و دڵنەوایی بە هەمووان ببەخشێت.
نێچیرڤان بارزانی
سەرۆکی هەرێمی کوردستان
2026/9/1
