پەیامی هاوخەمیی سەرۆکی حکومەت بۆ کۆچی دوایی کازم شانەدەری

مه‌سرور بارزانی سه‌رۆكی حكوومه‌تی هه‌رێمی كوردستان به‌هۆی كۆچی دوایی کازم شانەدەری پێشمەرگەی کۆماری کوردستان و هەردوو شۆڕشی ئەیلوول و گوڵان و هەڤاڵیی بارزانیی نەمر بۆ یەکێتیی سۆڤیەت، په‌یامێكی هاوخه‌می بڵاو كرده‌وه‌.

ده‌قی په‌یامه‌ هاوخه‌مییه‌كه‌ی مه‌سرور بارزانی سه‌رۆكی حكوومه‌ت:-

بە داخێکی زۆرەوە، هەواڵی کۆچی دوایی کازم مستەفا ئۆمەر، ناسراو بە کازم شانەدەری، پێشمەرگەی کۆماری کوردستان و هەڤاڵیی بارزانیی نەمر بۆ یەکێتیی سۆڤیەت و بەشداریی هەردوو شۆڕشی ئەیلوول و گوڵانم بیست.

کازم شانەدەری خەباتکارێکی دێرین و تێکۆشەرێکی قارەمان و ناسراوی کوردستان بوو، کە هەموو ژیانی خۆی لە پێناو بەرگریکردن لە مافە ڕەواکانی خەڵکی کوردستان بەخت کرد.