پەیامی نێچيرڤان بارزانى بۆ جەژنی پيرۆزى قوربان

نێچیرڤان بارزانی، سەرۆکی هەرێمی کوردستان، لە پەیامێکدا بەبۆنەی هاتنەوەی جەژنی قوربانی پیرۆزەوە، وێڕای پیرۆزبایی لە موسڵمانانی کوردستان و جیهان و هیوای گەڕانەوەی سەلامەت بۆ حاجیان، جەخت لە پەیامی لێبوردەیی و گەردنئازادی دەکاتەوە. سەرۆکی هەرێم داوا دەکات ئەم جەژنە بکرێتە دەرفەتێک بۆ نوێکردنەوەی پەیوەندییەکان و برەودان بە تەبایی و خۆشەویستی لە نێوان هەموواندا.

دەقی پەیامی سەرۆکی هەرێمی کوردستان:

بە بۆنەی هاتنەوەی جەژنی قوربانی پیرۆزەوە، گەرمترین و جوانترین پیرۆزبایی ئاراستەی ته‌واوى موسڵمانانی کوردستان، عێراق و جیهان دەکەم. لە خوای مەزن داواکارم ئەم جەژنە مایەی خێر و خۆشی بێت و شادى و کامەرانی بۆ هەمووان لەگەڵ خۆیدا بهێنێت. هیوای پشوویەکی ئارام و ئاسوودە بۆ هه‌مووان ده‌خوازم.

هيواى گه‌ڕانه‌وه‌يه‌كى سه‌لامه‌ت بۆ حاجیانی خۆشەویستى كوردستان ده‌خوازم، خوای مەزن حەجى هەمووان قبووڵ بکات و جه‌ژنيان پيرۆز بێت. لەم بۆنە پیرۆزەدا، با چەمک و واتا قووڵەکانی جەژن لە لێبوردەیی، گەردنئازادی، پێكهاتنه‌وه‌ بکەینە دەرفەتێک بۆ نوێکردنەوەی پەیوەندییەکانمان و کردنەوەی لاپەڕەیەکی نوێ لە نيازپاكى، تەبایی و خۆشه‌ويستى لە ژیان و كاری ڕۆژانه‌ماندا.