بەشی پێشبینیکردن لە وەزارەتی گواستنەوە و گەیاندنی حکوومەتی هەرێمی کوردستان، پێشبینییەکانی کەشوهەوای بۆ ئەمڕۆ و سبەی ڕاگەیاند، بەپێی پێشبینییەکانیش پلەکانی گەرما بەراورد بە ڕۆژانی ڕابردوو ڕوو لە بەرزی دەکەن.
بەرێوەبەرایەتی کەشناسی هەرێم کەشوهەوای ئمڕۆ پێنجشەممەی ڕاگەیاند و دەڵێت: ئاسمانی هەرێمی کوردستان بە گشتی نیمچەهەور دەبێت، لە ناوچە شاخاوییە سنوورییەکانی باکوور ئاسمان دەگۆڕێت بۆ هەوری تەواو و ئەگەری تاوەباران و بروسکە هەیە، بەڵام بۆ کاتەکانی ئێوارە کەشوهەوا جێگیر دەبێتەوە. پلەکانی گەرما بەراورد بە دوێنێ 1 بۆ 2 پلە بەرز دەبنەوە.
سەبارەت بە سبەی هەینی کەشناسی هەرێم ئاشکرای دەکات، ئاسمانی ناوچە جیاجیاکانی هەرێم لە نێوان نیمچەهەور و پەڵەهەوردا دەبێت، لە ناوچە شاخاوییە سنوورییەکانی باکوور ئەگەری کەمێک نمەباران هەیە. پلەکانی گەرما جێگیر دەبن و نزیک دەبنەوە لە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بۆ سبەی هەینی:
هەولێر: 28
سلێمانی: 24
دهۆک: 26
هەڵەبجە: 28
گەرمیان: 32
زاخۆ: 28
چەمچەماڵ: 28
پیرمام: 24
حاجی ئۆمەران: 18
